ایک نیوز: وزیرِ اعظم محمد شہباز شریف نے کاٹلنگ، ضلع مردان میں فتنہ الخوارج کی شرپسندی پھیلانے کے ناپاک عزائم کو خاک میں ملانے اور قلات میں دھشتگردوں کے خلاف کامیاب کارروائی پر سیکیو ر ٹی فورسز کے افسران و جوانوں کی پزیرائی کی ہے۔

 وزیرِ اعظم کی مردان میں فتنہ الخوارج اور انکے سہولت کاروں کی بڑی تعداد اور قلات میں کارروائی میں 6 دھشتگردوں کو جہنم رسید کرنے پر سیکیورٹی فورسز کے افسران و اہلکاروں کی پیشہ ورانہ مہارت کی تعریف  کی۔

شہباز شریف کا کہنا تھا کہ افواج پاکستان نے فتنہ الخوارج کے ٹھکانوں کو تباہ کرکے ملک کو بڑے نقصان سے بچایا،فتنہ الخوارج سمیت کسی بھی قسم کی دھشتگردی کی تنظیم کو ملک کا امن تباہ کرنے کی اجازت نہیں دیں گے۔

 وزیرِاعظم نے کہا کہ دھشتگردی کی عفریت کے ملک سے مکمل خاتمے تک اس کے خلاف جنگ جاری رکھیں گے،وطن عزیز کی دھشتگردوں کے ناپاک عزائم سے حفاظت کے افواج پاکستان کے غیر متزلزل عزم میں پوری قوم اپنے بہادر جوانوں کے شانہ بشانہ کھڑی ہے۔